Leiðinleg umræða sem þarf að ljúka

Ein leiðinlegasta og tilgangslausasta umræða dagsins er hver staðan er á samningaviðræðunum á milli Íslands og ESB. Sjálfur batt ég vonir við að með þeirri ákvörðun Alþingis að sækja um aðild myndi þeirri umræðu ljúka sem uppi hafði verið um hvort við ættum að sækja um eða ekki. Ég hélt í einfeldni minni að eftir að umsóknaraðild var samþykkt myndu stjórnmálamenn einbeita sér að samningagerðinni sjálfir, reyna að ná sem besta mögulega samningi og leggja hann síðan fyrir þjóðina sem tæki sjálf ákvörðun um framtíð sína hvað þetta varðar.

Gullkornin í Mogganum

Morgunblaðið er búið að vera í miklum ham síðustu vikurnar vegna innanflokksdeilna í þingflokki Vinstri grænna enda kannski ekki nema furða. Þar hefur hin ágæta blaðakona Agnes Bragadóttir farið fremst í flokki enda er hún mun vera þefvísari á leiðindi og öðrum fréttamönnum fremri á því sviði. Sagt er að hún geti stofnað til leiðinda ein í lokuðu herbergi en það eru nú örugglega ýkjur.
Á árinu 2010 birti Mogginn 28 fréttir eða „fréttaskýringar“ þar sem orðið „VG“ var í fyrirsögn.

Engin þrettándabrenna í ár!

Ekkert verður af þrettándagleði á Akureyri þetta árið, samkvæmt því sem fram kemur á dagskránni.is eins en jólin hafa verið kvödd með þrettándabrennu og skemmtilegheitum á þrettándanum með þeim hætti á Akureyri í 76 ár, með örfáum undantekningum. Ástæðan mun vera sú að ekki tókst að fjármagna framkvæmd gleðinnar að þessu sinni en íþróttafélagið Þór sem staðið hefur að þrettándagleðinni, hefur þurft að greiða með skemmtuninni síðustu árin og getur það ekki lengur.
Það eru frekar daprar fréttir og svo sannarlega ekki til að gleðja þá sem hafa lagt það í vana sinn að kveðja jólin með þessum skemmtilega hætti.

Atvinnuppbygging við Húsavík

Fréttir hafa borist af því að Landsvirkjun sé í viðræðum um nýtingu á jarðvarmaorku í Þingeyjarsýslum til metanóframleiðslu. Komið hefur fram í viðtölum við Hörð Arnarson forstjóra Landsvirkjunar að nýting orkunnar á svæðinu henti betur nokkrum smærri fyrirtækjum en einu stóru eins og hugur margra hefur staðið til fram að þessu. Að sögn forstjórans er Landsvirkjun nú þegar í viðræðum við fjóra til fimm aðila um nýtingu orkunnar á svæðinu og til standi að fjölga þeim talsvert.

Farið verði að tillögum sáttanefndar

Stéttarfélög sjómanna nýta tímann á milli jóla og nýárs til fundarhalda enda er þetta eini tími ársins sem sjómenn eru flestir í landi á sama tíma. Ég sat einn slíkan fund í gær með sjómönnum í Framsýn á Húsavík þar sem málin voru reifuð frá ýmsum sjónarhornum. Mest var þó rætt um framtíðarskipan stjórna fiskveiða við landið, veiðiráðgjöf og aflaheimildir, auk afnáms sjómannaafsláttar og fleira sem snertir sjómenn.

Ljósið jóla bjarta

Guðbjörn Arngrímsson, húsvörður og allt-múligt-maður, í Ólafsfirði hefður það fyrir sið að senda vinum og vandamönnum lítið jólakvæði fyrir hver jól sem gjarnan eru þá skrifuð í jólakortin frá honum. Þetta er skemmtilegur siður hjá Guðbirni enda er hann ágætt skáld sem kann að koma jólaboðskapnum vel til skila með þessum hætti.
Jólakvæði Guðbjörns 2010 hljóðar svona:



Drungi hverfur, dregur frá
Dimma flýr úr hjarta
þegar lýður líta má
ljósið jóla bjarta.

Í friði og ró

Það er sem betur fer er það liðin tíð að fiskiskipin séu á sjó yfir jól eins og áður þótti sjálfsagt. Nú eru öll skip bundin við bryggju og sjómenn fá sitt jólafrí eins og aðrir landsmenn. Hafnirnar eru fullar af fallega skreyttum skipum.
Hann er oft kuldalegur á sjónum á þessum árstíma eins og þeir þekkja sem kynnst hafa og aðstæður hættulegri en á öðrum árstíma. Myndin hér að ofan er tekin um borð í Kleifabergi ÓF-2 fyrir nokkrum árum þegar skipið var á leið í land á Þorláksmessunótt í kulda og trekki.

Ég biðst afsökunar

Í færslu hér að neðan varð mér það á að gefa í skyn að þingmaður sjálfstæðisflokksins í NA-kjördæmi gengi erinda þeirra sem fjármögnuðu kosningabaráttu hans. Það var ekki fallega gert hjá mér, bæði illa sagt og ómaklegt gagnvart umræddum þingmanni og ekki byggt á neinum haldgóðum rökum.
Ég biðst því afsökunar á þessum skrifum og vona að slíkt endurtaki sig ekki.

Leynilegir forystumenn sjálfstæðisflokksins

Guðlaugur Þór Þórðarson fer mikinn þessa dagana og sakar forsætisráðherra um að leyna þing og þjóð upplýsingum um eitthvað sem enginn virðist vera almennilega klár á hverjar eru nema Guðlaugur sjálfur. Enda er þar vanur maður á ferð sem kann sitthvað fyrir sér um hvernig og hversvegna leyna skal upplýsingum og forða þeim undan almenningi.

Holur málflutningur þremenninga

Það hefur ekki farið á milli mála að óróleiki er í ríkisstjórnarsamstarfi Vinstri grænna og Samfylkingar eftir að þrír þingmenn Vinstri grænna ákváðu að styðja ekki fjárlagafrumvarp ríkisstjórnarinnar. Sú afstaða er næst því að lýsa yfir vantrausti á sitjandi ríkisstjórn, á eftir beinni vantraustyfirlýsingu. Þau Lilja Mósesdóttir, Atli Gíslason og Ásmundur Einar Daðason sendu frá sér yfirlýsingu í gær þar sem þau fara fram með stóryrðum gagnvart félögum sínum, þ.á m. mér. Undir því er erfitt að sitja og reyndar algjörlega óþarft.

Pages

Subscribe to Björn Valur Gíslason RSS