Upplýst um glæp

Nokkrir stjórnarandstæðingar hafa tekið sig saman og upplýst um ástæður þess að íslensk heimili fóru illa út úr hruni efnahagsstefnu fyrri stjórna. Í stutt máli gerðist það með þessum hætti:
Ríkisstjórn sjálfstæðisflokksins undir forystu Geirs H Haarde tók á sínum tíma háar upphæðir til hliðar undan erlendum kröfuhöfum í þrotabú íslensku bankanna. Peningana átti að nota til að greiða skuldir íslenskra heimila. Íslenskur almenningur fattaði þetta hinsvegar ekki og rak þessa fínu ríkisstjórn frá völdum. Vond ríkistjórn undir forystu Jóhönnu Sigurðuardóttur og Steingríms J. Sigfússonar tók við af hinni góðu stjórn sjálfstæðismanna. Þeirra fyrsta verk var að taka peningana sem góða ríkistjórnin hafði komið undan og skila þeim aftur til kröfuhafa. Þessvegna er það vondu ríkisstjórn Jóhönnu og Steingríms að kenna hvernig komið er fyrir íslenskum heimilum en ekki hinni góðu ríkisstjórn sjálfstæðismanna.
Fjölmargir stjórnarandstæðingar hafa borið vitni um að svona hafi þetta gerst. Meðal þeirra er þessi hagfræðingur hér sem sjaldan hefur skriplað á skötu í ályktunum sínu, frekar en þessi hér. Einn af forystumönnum sjálfstæðisflokksins í Reykjavík hefur sömuleiðis hafið upp raust sína um málið sem og þekktur tónlistarmaður sem spyr hvernig þau Jóhanna og Steingrímur sofi eftir að upp komst um glæpinn.
Er nema von að spurt sé - ekki síst þegar svo virðist sem blásaklaus maður sé fyrir dómi vegna málsins?