Erindi svarað ...

Í dag svaraði ég þessu bréfi með eftirfarandi hætti:

Hr. lögmaður Erlendur Þór Gunnarsson hrl.                                           

Efni: Bréf yðar dags. 11. apríl 2011. 

Ég játa að mér kom bréf þitt nokkuð á óvart þar sem vísað er til þess að á vefsíðu minni eru orð um skjólstæðing þinn sem marg oft hafa verið viðhöfð um hann áður og án athugasemda af hans hálfu. 
Má í dæmaskyni nefna orð Svandísar Svavarsdóttur, ráðherra, vegna svonefnds REI- máls, færslur á heimasíðu Ögmundar Jónassonar, ráðherra, vegna sama máls, sömu orð á föstum dálki í DV og fleira sem tína má til.
Hafði ég því tilefni til að álykta að skjólstæðingur þinn væri síður en svo viðkvæmur fyrir því orðalagi, sem ég kaus að nota.
Að öðru leyti má nefna að orðið ,“mútur“ er notað í víðtækri merkingu og á síðari tímum æ oftar bæði í ræðu og riti. Tilefnin eru alþekkt.
Mér þykir miður að hafa valdið skjólstæðingi þínum hugarangri, en ítreka undrun mína á því að hann hafi ekki gert athugasemdir  vegna sambærilegra ummæla, sem eru sannanlega sett fram miklu fyrr en mín orð féllu. 

Virðingarfyllst,
Björn Valur Gíslason