Kosningar strax!

Íslensk stjórnmál og viðskiptalíf er gegnumborað af spillingu. Stjórnarráðið, ríkisstjórn, Seðlabankinn, lífeyrissjóðir, stjórnmálaflokkar, fjölmiðlar, atvinnu- og viðskiptalífið er rúið öllu trausti vegna spilltra stjórnenda. Og það á meira eftir að koma fram.
Á meðan starfar Alþingi eins og ekkert hafi í skorist. Dagskrá þingsins er óbreytt. Það eru nefndadagar. Engir þingfundir. Það er engu líkara en að forseti Alþingis hafi verið sleginn pólitískri blindu. Hann virðist lifa í eigin veröld utan og ofan við þann veruleika sem blasir við almenningi.
Það ríkir fullkomin upplausn í samfélaginu.
Það þarf að rjúfa þing og færa fólkinu í landinu valdið með kosningum.
STRAX!