Spámaðurinn Geir

Þann 2. október 2008 lagði Geir H. Haarde, þáverandi forsætisráðherra, fram á Alþingi Þjóðhagsáætlun fyrir árið 2009. Í áætluninni spáði Geir því að 1,6% samdráttur yrði í hagkerfinu árið 2009.  Geir spáði því jafnframt að fjárfesting í íbúðahúsnæði myndi dragast eitthvað saman á árinu en þó ekki nema um 1,2% þar sem mesti samdrátturinn hafi þegar komið fram á árinu 2008. Hann sagði einnig líklegt að það myndi hægja eitthvað á vexti útflutnings og að innflutningur myndi einnig dragast saman um 1,6%. Geir gerði ráð fyrir því að á árinu 2009 næði viðskiptajöfnuður  meira jafnvægi en áður og að gengi krónunnar myndi styrkjast um 3% á árinu 2009! Geir spáði því svo að atvinnuleysi gæti líklega aukast um 1,5% á milli áranna 2008 og 2009 og kaupmáttur rýrna um 1,4%. Að lokum gerir spámaðurinn Geir ráð fyrir því að væntanlegur halli á ríkissjóði á árinu 2009 myndi ekki verða til þess að auka skuldir ríkissjóðs enda sé nóg til í sjóðum Seðlabankans til að mæta honum.
Fjórum dögum síðar Hrundi svo allt til grunna.
Það þarf enginn að halda því fram að Geir H. Haarde hafi ekki vitað í hvað stefndi daginn sem hann lagði fram þjóðhagsáætlun fyrir árið 2009. Annaðhvort hafði hann ekki kjark eða þor til að segja þjóðinni satt á þeim tíma eða hann var hættur að greina á milli hvenær hann sagði satt og hvenær ekki.
Nú hefur forsætisráðherrann fyrrverandi verið gerður að sendiherra og mun koma fram fyrir hönd þjóðarinnar sem slíkur.
Það er nú aldeilis frábært!