Ekki tilefni hátíðarhalda

Nýi tíuþúsund króna seðillinn sem kynntur var í dag er helmingur af verðgildi 500 krónu seðilsins sem gefinn var út í ársbyrjun 1981. Útgáfa nýja seðilsins í dag er enn ein birtingarmynd þeirra óstjórnar sem ríkt hefur í efnahagsmálum hér á landi. Seðillinn endurspeglar verðbólgu og rýrnun verðmæta, kaupmáttar og lífskjara.
Fram til þessa hefur myndskreyting á íslenskum peningum vísað til verðmætasköpunar, t.d. fiska eða landbúnaðar. Tíuþúsund króna seðillinn er hins vegar tileinkaður Jónasi Hallgrímssyni, skáldi og vísindamanni. Í útgáfu seðilsins felst því ákveðin viðurkenning á verðmætasköpun lista og vísinda til jafns við annað.
Það var því vel við hæfi að formaður sjálfstæðisflokksins og fjármálaráðherra tæki við fyrsta tíuþúsund króna seðlinum í dag. Sami ráðherrann og lagði fram fjárlagafrumvarp á dögunum þar sem framlag til menningar,lista og vísinda er nánast þurrkað út. Formaður þess flokks sem ber höfðuðábyrgðina á efnahagshruninu og fjármálaóstjórn síðustu áratuga.
Útgáfa nýja seðilsins er því engin gleðifregn eða tilefni til hátíðahalda af neinu tagi.