Eins og allir vita ...

Verðbólgan mældist undir 4% í mars síðastliðnum, í fyrsta sinn frá Hruni. Síðan hefur hún lækkað og haldist stöðug í 3,3% síðustu mánuðina. Til upprifjunar  mældist verðbólga um áramótin 2008-2009 18,6% sem brenndi þá eignir almennings upp til agna. Verðbólgan hefur síðan lækkað jafnt og þétt allt kjörtímabilið eftir því sem betri tök hafa náðst á efnahagsmálum ríkisins.
Nú er verðbólgan hins vegar á uppleið, komin í 4,3% og mun aukast enn frekar á næstu mánuðum miðað við spár og væntingar til stjórnvalda. Aðvaranir erlendra stofnana um lausung og óvissu í efnahagsmálum benda einnig til þess að búast megi við aukinni verðbólgu á næstu misserum.
Allt er þetta til marks um neikvæð áhrif efnahagsstefnu nýrrar ríkisstjórnar sem mun síðan að lokum leiða til versnandi lífskjara fyrir almenning.
Eins og allir vita.