Vigdísar Finnbogadóttur er hvergi getið í Rannsóknarskýrslu Alþingis

Yfirlýsing Vigdísar Finnbogadóttur fyrrverandi forseta Íslands um afstöðu hennar til Iceasve-málsins hefur vakið mikil viðbrögð. Vigdís tók afstöðu til málsins af vel yfirlögðu ráði eins og hún er þekkt fyrir að gera í öllum málum. Vigdís Finnbogadóttir var vinsæl og virt í embætti sínu sem forseti og nýtur þeirrar virðingar og vinsælda enn þann dag í dag. Það hefur Vigdís áunnið sér enda var hún farsæl og heil í sínum störfum og bar hag Íslands og íslendinga ævinlega fyrir brjósti sér sem nú.

Skynsemi Vigdísar gegn yfirstéttar hrokanum

Í dag lýstu þrír þjóðkunnir einstaklingar yfir afstöðu sinni til Icesave-málsins. Fyrst var það yfirstéttarkonan Eva Joly sem hvetur til þess að íslendingar felli samninginn og sjái svo til hvað gerist í framhaldi af því. Eva Joly var fengin hingað til lands til að aðstoða við rannsókn á hruninu og veita íslenskum stjórnvöldum ráðgjöf við að elta uppi svikagengið sem fór ránshendi um þjóðfélagið. Það er hennar fag og í því er hún góð. Hún þarf hinsvegar ekki að búa við þau lífsskilyrði sem hljótast af því a fylgja ráðum hennar.

Kostnaður stjórnarandstöðunnar vegna Icesave-málsins

Stjórnarandstaðan hneykslast á miklum kostnaði við lausn Icesave-deilunnar sem þeir hafa reynt að gera tortryggilegan á allan hátt. Gefið er í skyn að Lee Buchheit sé sérstakur sendisveinn fjármálaráðuneytisins í málinu og aðrir samninganefndarmenn gangi erinda annarra en íslensku þjóðarinnar. En hver er raunin þegar betur er að gáð?
Í byrjun árs 2010 var skipuð ný samninganefnd í Icesave-málninu. Að kröfu stjórnarandstöðunnar á þingi var Lee Buchheit, amerískur lögmaður, fenginn til að leiða nefndina enda sagður vera einn fremsti samningamaður heims. Eftir þessu hafði verið kallað í umræðum á þingi af öllum fulltrúum stjórnarandstöðunnar í umræðum um málið haustið 2009.

Ný frétt: Ísland er að verða gjaldþrota!

Þór Saari, sem að öllu jöfnu er með bjartsýnni mönnum, spáir því að Ísland sé að verða gjaldþrota. Sem betur fer rættist ekki varfærin spá hans árið 2009  um að verið væri að innlima Ísland í Parísarklúbbinn eftirsótta og því síður að Ísland væri á leiðinni með að segja til sveitar.
En nú er það svart. Ísland er á leiðinni í gjaldþrot, segir Þór Saari.
Ég held ég sofi á þessu.

Óreiðumennirnir borga

Ég sagði frá því í færslu hér á síðunni fyrir nokkrum dögum að líklega væri hlutabréfaeign þrotabús Landsbanka Íslands vanmetin. Vísaði ég til þess að í eignarmati væru þær metnar á 117 milljarðar á sama tíma og tilboði í hlut búsins í verslunarkeðjunni Iceland upp á 200 milljarða hefði verið hafnað.

Hin leiðin

Portúgal þarf á neyðarláni að halda til að koma í veg fyrir algjört hrun í efnahagslífi landsins. Ríkið hefur þegar aflað sér hárra upphæða með skuldabréfaútgáfu með gríðarlegum lántöku kostnaði.  Ávöxtunarkrafa þeirra bréfa voru á milli 5 og 6 prósent sem er nærri tvöfalt meira krafa en gerð var fyrir nokkrum vikum. Til samanburðar má benda á að vextir af Icesave-samningnum er meira en tvöfalt lægri en það sem Portúgölum býðst.
Portúgalska leiðin er hin leiðin sem okkur stendur til boða.
Okkar er valið.

Hvað vissi Sigmundur Davíð?

Allt frá árinu 2008, fyrir hrun, voru íslensk stjórnvöld að leita leiða til að til að lágmarka skaðann  vegna Icesave-reikningana í Bretlandi og Hollandi. Eftir fall íslensku bankanna hafa allir núverandi og þáverandi formenn íslenskra stjórnmálaflokka lýst yfir vilja sínum til samninga. (Hreyfingin er víst ekki stjórnmálaflokkur). Þetta á við um Geir H. Haarde, Bjarna Benediktsson, Ingibjörgu Sólrúnu Gísladóttur, Jóhönnu Sigurðardóttur, Steingrím J. Sigfússon, Jón Sigurðsson og Valgerði Sverrisdóttur. Þeim til viðbótar eru svo allir ráðherrar sem hafa setið í ríkisstjórn frá þessum tíma og flestir stuðningsmenn þeirra stjórna á Alþingi.
En hvað með Sigmund Davíð Gunnlaugsson?

Lengi von á einum!

Prófessor Hannes Hólmsteinn Gissurarson, hefur gefið út yfirlýsingu um að hann hafi tekið sér stöðu með nei-fólkinu í Icesave. Þetta kom svo sannarlega á óvart. Sagt er að hann hafi ekki tekið krónu fyrir yfirlýsinguna. Hún sé ókeypis framlag prófessorsins til lausnar á afleiðingum íslenska efnahagsundursins. Eða er eitthvað ókeypis?

Eignir Landsbankans vanmetnar

Eins og allir vita snúast samningarnir um Icesave-málið um að skuldin verði greidd með eignum þrotabús Landsbankans. Andstæðingar þess að leysa málið með samningum halda því m.a. fram að mikil óvissa sé um virði eigna búsins og því sé veruleg áhætta fólgin í því að þær standi undir því sem þær eiga að gera. Fátt er fjarri sanni.
Í Fréttablaðinu í dag er afar góð fréttaskýring um málið og mat á eignum þrotabús gamla Landsbanka Íslands.

Er verið að selja íslensk börn í ánauð til útlanda?

Ég heyrði auglýsingu í útvarpinu í morgun sem gerði mér bylt við. Í henni segir Egill Ólafsson, söngvari, leikari og alt muligt man, frá því að hann muni segja nei við Icesave vegna þess að með því sé verið að selja íslensk börn í ánauð til útlanda líkt og gert var á fimmtándu öld. Auglýsingin hljómar svona:
„Samkvæmt annálaskrifum voru íslensk börn seld í ánauð til námuvinnu á Bretlandseyjum á fimmtándu öld. Það er engin ástæða til að endurtaka áþekka framkomu gagnvart börnum framtíðar. Þess vegna segi ég nei við Icesave.

Pages

Subscribe to Björn Valur Gíslason RSS